بو العبد مرة راح على الدكتور ومعو التحاليل ام اللو الدكتور عنك سرطان وراح تموت
كمان 6 اشهر ، راح ابو العبد زعلان وقعد على القهوة فسألوا الاصحاب شومالك يا ابو عبد قاللهم عندي أيدز وراح اموت كمان 6 اشهر ، فصارت كل الناس تكش منو وتحكي بالقصة ، وصل الخبر للدكتور قام سأل ابو العبد : انا قلتلك سرطان وللا ايدز يا ابو العبد؟ فجاوبوا ابو العبد شو يادكتور بدك بعد مااموت كل الحارة تنزل احضااااااان في ام العبد
ابو العبد عم يغازل مرته وقال لها :
بتعرفي لو انك بالهند لعبدوكي
ام العبد:يعني انا ملاك يا عمري؟
ابو العبد: لأ بقره …
******************
أبو العبد كان مرة معزوم على سهرة بقصر واحد مليونير كبير فوق الريح. وكان هالمليونير مربى عندو بمسبح القصر، مختلف أنواع وأشكال التماسيح.
بنص السهرة، عرض المليونير الكبير على المعازيم، مبلغ مليون دولار من المال، ليلي بيقدر يقطع البركة كلها سباحة بين التماسيح اللي مرباهن بالدلال ، او اذا ما بدو مال، تعهد يزوجو بنتو، ست الحسن والجمال.
وفجأة، ما لقى المدعوين الا أبو العبد بينط عالبركة وبيقطعها سباحة من أولها لآخرها بوقت قياسي.
المليونير والمدعوين اندهشوا من شجاعة أبو العبد النادرة، وبلش التصفيق من فجو غميق لأبو العبد اللي حيى بدوره جمعة النا س الساهرة
المليونير تقدم من أبو العبد وهناه وصافحو وشد كتير على ايديه. وخيرو بين انو يسلموا شيك بالمليون دولار أو انو يزوجو بنتو اللي متل القمر
بس ابو العبد من شهامتو اعتذر، وقللو للمليونير، انا منك ما بدي شي مع الشكر، لا بدي المليون تبعك ولا بدي كون عريس بنتك المنتظر. انا بس بدي اعرف مين هيدا السافل يللي دفشني عالبركة، رح طق يا زلمي من القهر
***********************
’ابوعبد وهو عم بيموت اتطلّع بمرته نظرة كلها رومانسية وقالها : “انا لما انطردت من شغلي كنتي معي…ولما فلست كمان كنتي طول الوقت معي….ولما وقعت ومرضت كنتي واقفة جنبي…”
وهلق وانا على فراش الموت كمان جنبي, وقام ومسك ايدها بحنية وقالها : “مش عارف ليش حاسيس انك نحس..
أبو العبد وابو صطيف كانوا بيوم راجعين بآخر الليل سكرانين وقفهم الشرطي وسأل أبو صطيف: اسمك وعنوانك؟
ابو صطيف : انا اسمي ابو صطيف، بس ناسي وين ساكن
أبو العبد: وانا اسمي أبو العبد، ساكن بالبيت اللي جنب بيت أبو صطيف.
ابو العبد قرر يترشح لرئاسة الجمهورية ……….ولما راح على وزارة الداخليه تا يقدم طلب الترشيح ………..قلو الظابط : شو انت مجنون ؟…………………….
فقلو ابو العبد : ليش هيدا شرط ضروري؟؟؟؟
********************
ابو العبد و ابو صطيف و ابو عمر قاعدين بالمشفى بستنوا نسوانهم تيخلفوا !!
المهم و هما ناطرين قام ابو عمر وقال : والله يا شباب مبارح حضرت فيلم عنتر و عبلة!! وبنفس اللحظة اجت الممرضة وقالت : مبروك ابو عمر !! اجاك توم ولد و بنت !!
قام ابو صطيف وقال : والله يا شباب مبارح حضرت مسرحية المشاغبين التلاتة !! و بنفس اللحظو اجت الممرضة وقالت : مبروك عمو ابو صطيف اجاك 3 ولاد مرة وحدة !!
قام ابو العبد وقع على طول و اغمى عليه !! ركضوا الناس عليه ليشوفوا شو صار له !!
شو فيه يا ابو العبد ؟؟ قام ابو العبد وقال : تركوني بحالي ويلي على قامتي !!
مبارح كنت عم بتفرج على فيلم : علي بابا و الاربعين حرامي !!!!********************
ليست هناك تعليقات:
إرسال تعليق