نكت عن الانتخابات

موظف راح يدي صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله رحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى
***************************************************************************
واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض
***************************************************************
بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا
********************************************************
سأل الرئيس وزيره : كيف حال الشعب بعد ما غلّينا العيش ؟
فقال : يا سيدي بياكل زفت
فقاله : طيب غلي الزفت
***********************************************************
في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : فى امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى
**********************************************************
كان أحد الحكام ممن اشتهروا بالظلم يسافر في طائرة، فنظر من النافذة وقال لحاشيته: لو رميت
100دولار من الطيارة ... يحصل إيه ؟
رد واحد و قاله : حيلاقيها واحد من الشعب و يفرح بيها
قاله : و لو رميت ألف دولار من الطيارة ... يحصل إيه ؟
رد واحد تاني و قاله : حيلاقيها مجموعة من الشعب و يفرح بيها
قام واحد ثالث قاله : و لو رميت نفسك من الطيارة كل الشعب حيفرح
**********************************************************
مره توني بلير و بوش و حسني مبارك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام حسني مبارك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيه
*********************************************************

شارك الموضوع

مواضيع ذات صلة

10 comments

comments
غير معرف
1 ديسمبر 2011 في 5:23 ص حذف

ههههههههههههههههههههه

رد
avatar
غير معرف
7 ديسمبر 2011 في 12:53 م حذف

ههههههههههههههههههههه

رد
avatar
غير معرف
12 ديسمبر 2011 في 5:42 م حذف

ايه الهبل دا ههههههههههههههه

رد
avatar
غير معرف
17 ديسمبر 2011 في 12:31 م حذف

مره فى واحد راح ينتخب فا بيسأل مشرف اللجنه اخد رمز القله ولا رمز الزير قلو خد رمز القله فخد رمز القله فراح للمشرف التانى بيقلو اختارة ايه قلو اختارة قلة قلو ومجبتهاش معاك ليه

رد
avatar
غير معرف
27 ديسمبر 2011 في 10:47 م حذف

ايه النكتة البايخة بتاعة الاخ بتاع التعليق

رد
avatar
البرنسيسة
3 يناير 2012 في 1:57 ص حذف

عايزين نكت احلى من دى ههههههههههههههههه

رد
avatar
مها و هالة
5 يناير 2012 في 6:09 ص حذف

عايذين نكت احلى من كدة

رد
avatar
غير معرف
18 فبراير 2012 في 5:40 ص حذف

نكت بيئة

رد
avatar
غير معرف
31 مايو 2012 في 6:47 م حذف

صعيدي سافر سوريا يشوف رزقه هناك فلما انفتح باب الطيارة قابلته مذيعة
وسألته: إيه رأيك فى الأسد؟؟
قال لها دا حيوان قوى جدا!ً ده هوّ ملك الوحوش!
فسجنوه 10 سنين.
ولما خرج قال أنا أسافر للسعودية أشوف رزقي هناك وبالمرة
اعملي حجة وعمرة ,, ولما انفتح باب الطيارة قابلته مذيعة وسالته: إيه رأيك فى فهد ؟؟
قا للها : والله ده حيوان رشيق وسريع
وسجنوه بعد 15سنةفلما خرج قال
أنا ارجع بلدي أحسن.. و مصر دي برده أم الدنيا,,, فلما انفتح باب الطيارة قابلته مذيعة
وقالتله : إيه رأيك فى مبارك؟؟؟
قال لها لو سمحتي أنا مابتكلمش عن الحيوانات!!
فاعدموه

رد
avatar
غير معرف
31 مايو 2012 في 6:48 م حذف

اوكيه يا مها انت وهالة بس ياريت نكتة من عندك حلوة زيك

رد
avatar